Fondo documental

XXII Rallye de España-Race, BMW 2002 TI. Tercero.

Formato: JPG

XXII Rally de España-Race, Lalao e "Tucho" participaron co BMW 2000 ti Gr 2 nesta edición do Rally de España que se celebraba entre os días 25 e 27 de outubro de 1974. Foron terceiros por detrás de Zanini e Pradera, os dous con SEAT 1430 -1800 Gr 2.

descargar

XIX Rallye de España 1971

Formato: JPG

XIX Rally de España 1971. Lalao e "Ventura" quedaron en terceira posición co Alpinche cando aínda se chamaba REALPOR, sendo o gañador Jean Pierre Nicolas, piloto oficial Renault co seu Alpine Renault A110 1860 gr 5, copilotado por Jean Todt, actual presidente da Federación Internacional de Automobilismo. Nicolas pediulle a Reverter que o deixase probar o Alpinche; cando se baixou do coche suxeriulle que debería facer unha serie para vender, porque sería unha arma imbatible. En segundo lugar quedo Bernard Fiorentino e Maurice Gelin / Simca CG 2200 proto gr 5, a cuarta praza foi para Sobieslaw Zasada e Ryszard Nowicki / BMW 2002 TI gr 2 e a quinta para Alberto Ruiz-Jiménez e Javier Bueno / Porsche 911 S gr 4.

descargar

Rallye Rias Baixas 1986

Formato: JPG

No ano 1986, dun xeito testemuñal e para probar novas suspensións e melloras nun coche do equipo que dirixía, Rede Fiat de Galicia, Estanislao correu o Rally Rías Baixas. Estas é seguramente a súa última foto como piloto de Rallyes. E tamén a única vez que se puxo un mono ignifugar para disputar un Rally.

descargar

Rallye de Montecarlo 1965.

Formato: JPG

Nestes días cúmprense 50 anos da participación de Lalao na 34º Edición do Rallye de Montecarlo de 1965 que se celebrou do 15 ao 20 de xaneiro dese ano. O rally contaba co clásico formato no que os participantes partían dende diferentes cidades europeas con destino a Mónaco e unha vez alí realizábase unha etapa común varios tramos cronometrados. O gañador era aquel que sumase menos puntos de penalización entre o percorrido de concentración inicial e os tramos de velocidade posteriores. A lista de inscritos estaba formada por 275 participantes dos cales 237 tomaron a saída e só 22 cruzaron a meta. Os pilotos partiron ao igual que en edicións anteriores dende diferentes cidades europeas: Varsovia, Estocolmo, Minsk, Londres, Frankfurt, París, Lisboa, Montecarlo e Atenas. Reverter o cara ao sábado dende Lisboa acompañado por Oscar Caprotti abordo do Fiat Abarth 1.000 Bialbero. Ao comezo da proba as condicións meteorolóxicas eran boas, pero o luns pola tarde as temperaturas caeron moi por debaixo de cero. A nevada era impresionante e era dificilísimo moverse. Segundo contaba Caprotti non foron capaces de chegar ao control de Chambery, polo que pensaban que estaban fóra do Rally. Pero a organización, como se quedara sen coches, decidiu ampliar o tempo de chegada 30 minutos, pero a Lalao que lle dera un baixón de moral grande, xa que aspiraba a unha boa clasificación, dixo que estaba canso e que abandonaba. De alí non paso ningún dos tiñan saído de Lisboa nin Atenas, só un de Montecarlo e tres de Varsovia. Quizais foi o rally máis duro de todos os Montecarlo.

descargar

Portada del periódico El Mundo Deportivo

Formato: JPG

Portada do xornal "O Mundo Deportivo" do 24 de outubro de 1965. O pé da espectacular foto di: "Estanislao Reverter, con Lotus Cortina, vencedor dous anos do Rally das Dos Cataluñas e que onte triunfou nunha das dúas mangas da proba de velocidade celebrada en Montjuich. No gráfico vémolo en plena viraxe, cunha das rodas dianteira levantadas. (Foto de Alguersuari, Jr.) "

descargar

Entrevista a Estanislao Reverter.

Formato: JPG

Entrevista a Estanislao Reverter. Descoñecemos a que revista pertence e o ano de publicación desta, aínda que supoñemos que é do ano 1986. Léndoa poderedes coñecer un pouco máis de Lalao.

descargar