Fundador da Escudería Ourense

Fundador da Escudería Ourense. Impulsor e organizador do deporte do automóbil en Galicia

En 1967 a Comisión de Festas de Ourense encárgalle a organización dun rally. "Lalao" sempre busca a perfección e a excelencia en todo o que fai e consegue que o primeiro Rally de Ourense sexa puntuable para o Campionato de España. A organización é un éxito.

Ao ano seguinte, funda o Equipo Ourense, como entidade organizadora do noso rally que aí segue e como club que aglutina os afeccionados ao motor.

Non só organízase o rally senón tamén a Suba a Pereiro de Aguiar, a Vilar dás Tres, a Cenlle, a Castro de Beiro, a Manzaneda e o rally de San Martín.

Dende o principio búscase construír un circuíto permanente nos arredores de Ourense, despois preto de Cea onde se construirá un circuíto de autocrós.

Nos anos 60 a publicidade nos vehículos de carreiras estaba prohibida e decátase de que o patrocinio é unha forma de conter custos e chega a acordos con distintas empresas como Targa, Ferramentas Palmeira, Repsol, Chicha e Cibié entre outras, para o patrocinio dos coches.

Para a organización dos rallys e eventos busca tamén o apoio institucional e das empresas locais.

Na súa actividade organizativa crea nos 70 a Asociación de Pilotos de Automobilismo de España, sendo o seu presidente.

Foi tamén presidente da Federación Noroeste de Automobilismo, vicepresidente da Federación Española de Automobilismo e membro da Federación Internacional (FIA).

Dende os seus primeiros tempos como piloto e a través do Equipo apoiou outros afeccionados a este deporte e incitounos a saír a correr fóra xa que dicía que "por aí fóra non comen a ninguén" e era verdade. Manuel Sanjurjo foi o seu primeiro delfín, José Pavón, outra das súas apostas, chegou a ser piloto oficial Renault e tantos outros que souberon aproveitar as súas experiencias e ensinanzas.

Mención a parte desta escola de pilotos está o gran número de copilotos que pasaron por "o asento da dereita" con el e gozaron deste gran deporte.

Na actualidade El Rally de Ourense, valedoiro para o Campionato de España Rallys de Asfalto, obtendo sempre as mellores cualificacións a nivel organizativo dentro do baremo establecido pola Federación Española de Automobilismo.